Ризилиенс Консалтинг Сервиз ХХК нь байгууллагуудад тогтвортой хөгжлийн эрсдэлийг удирдах, БОНЗ-ын гүйцэтгэлийг сайжруулах, илүү тогтвортой, хариуцлагатай, тэсвэртэй бизнесийг төлөвшүүлэхэд дэмжлэг үзүүлдэг БОНЗ ба тогтвортой хөгжлийн зөвлөх компани юм. Бид БОНЗ, байгаль орчин ба нийгмийн менежмент, уур амьсгалын өөрчлөлт, хүлэмжийн хийн менежмент, тогтвортой хөгжлийн тайлагнал, хариуцлагатай бизнесийн чиглэлээр олон улсын стандарт, сайн туршлагад нийцсэн, практик зөвлөх үйлчилгээг үзүүлдэг.Манай арга барил нь олон улсын стандарт, сайн туршлагыг орон нутгийн нөхцөл байдал болон салбарын онцлогт нийцсэн мэдлэг, туршлагатай хослуулдаг. Ингэснээр байгууллагууд тогтвортой хөгжлийн шинээр бий болж буй шаардлага, хүлээлтэд үр дүнтэй хариу үзүүлэхийн зэрэгцээ урт хугацааны үнэ цэнийг бий болгоход дэмжлэг авдаг.
Ризилиенс Консалтинг Сервиз нь БОНЗ, тогтвортой хөгжил, байгаль орчин ба нийгмийн менежмент, уур амьсгалын өөрчлөлт, засаглал, бизнесийн тогтвортой байдлын чиглэлээр өргөн туршлагатай үндэсний болон олон улсын зөвлөх, аудитор, техникийн шинжээчдээс бүрдсэн олон талт мэргэжлийн багийг нэгтгэдэг. Манай баг олон төрлийн салбарт ажиллаж, компани болон байгууллагуудад одоогийн нөхцөл байдал, практикийг үнэлэх, эрсдэл ба боломжийг тодорхойлох, менежментийн тогтолцоог бэхжүүлэх, тогтвортой хөгжлийн гүйцэтгэлийг сайжруулах бодитой, хэрэгжихүйц шийдэл, арга замыг боловсруулахад дэмжлэг үзүүлж ирсэн. Бид тогтвортой хөгжлийг тусдаа санаачилга байдлаар бус, бизнесийн стратеги, засаглал, шийдвэр гаргалт болон өдөр тутмын үйл ажиллагаанд нэгдсэн байдлаар хэрэгжүүлэхэд харилцагч байгууллагуудтайгаа нягт хамтран ажилладаг.
Илүү сайн ирээдүйн төлөө тэсвэртэй, тогтвортой суурийг бүтээнэ.
Бид аливаа эрсдэлийг даван туулах чадавхийг бий болгох замаар тогтвортой үр өгөөжийг бүтээхэд хувь нэмэр оруулна.
Ёс зүйтэй, Төгөлдөршил, Итгэлтэй, Оролцоог хангасан, Харилцан хүндлэл
БОНЗ ба тогтвортой хөгжлийн зөвлөх үйлчилгээ: Бид БОНЗ-ын асуудлыг бизнесийн стратеги, засаглал, эрсдэлийн удирдлага, үйл ажиллагаатай уялдуулж, байгууллагын тогтвортой хөгжлийн гүйцэтгэл, тэсвэрлэх чадвар, урт хугацааны үнэ цэнийг нэмэгдүүлэхэд дэмжлэг үзүүлдэг.
Уур амьсгалын өөрчлөлт ба байгаль орчны шийдэл:Бид уур амьсгалын өөрчлөлт болон байгаль орчны сорилтыг даван туулахад байгууллагуудыг дэмжиж, нөөцийн хариуцлагатай хэрэглээ, хог хаягдал ба усны менежмент, биологийн олон янз байдлын хамгаалал, тойрог эдийн засаг, сэргээгдэх эрчим хүчний шийдлийг хөгжүүлэхэд хамтран ажилладаг.
Тэсвэрлэх чадавх ба чадавх бэхжүүлэх:Бид байгууллага болон орон нутгийн байгаль орчин, нийгэм, тогтвортой хөгжлийн эрсдэлийг урьдчилан тодорхойлох, удирдах, үр дүнтэй хариу арга хэмжээ авах чадавхыг бэхжүүлдэг.
Оролцогч талууд ба орон нутгийн хамтын ажиллагаа:Бид оролцогч талууд болон орон нутгийн иргэдтэй итгэлцэлд суурилсан харилцаа бий болгоход дэмжлэг үзүүлдэг. Үүнд талуудын оролцоо, орон нутгийн гэрээ, гомдол барагдуулах механизм, зөрчил шийдвэрлэлт, үйл ажиллагааны нийгмийн зөвшөөрөл, хүлээн зөвшөөрлийг бэхжүүлэх үйл ажиллагаа багтана.
БОНЗ ба тогтвортой хөгжлийн туршлага: Манай олон талт мэргэжлийн баг БОНЗ, тогтвортой хөгжлийн стратеги, байгаль орчин ба нийгмийн менежмент, уур амьсгалын өөрчлөлт, эрсдэлийн удирдлага, хүлэмжийн хийн тооцооллын чиглэлээр өргөн туршлагатай.
Хэрэгцээнд нийцсэн бодит шийдэл:Бид харилцагч бүрийн бизнесийн нөхцөл, салбарын онцлог, эрсдэл, тэргүүлэх чиглэлд нийцсэн бодитой, хэрэгжихүйц шийдлийг боловсруулдаг.
Уур амьсгал ба нүүрстөрөгчийн цогц үйлчилгээ:Бид хүлэмжийн хийн тооцоо, нүүрстөрөгчийн ул мөр, уур амьсгалын эрсдэл, ялгарлыг бууруулах арга хэмжээ, баталгаажуулалт, тогтвортой хөгжлийн тайлагналыг нэгдсэн байдлаар хэрэгжүүлдэг.
Олон салбар, олон чиглэлийн туршлага:Манай зөвлөх, аудитор, техникийн шинжээчид олон салбарын туршлагадаа тулгуурлан БОНЗ-ын нарийн төвөгтэй асуудлыг цогцоор нь шийдвэрлэхэд дэмжлэг үзүүлдэг.
